2023年5月20日
每個語言都有佢獨特嘅地方，計我話韓文最正就係，可以形容到好多好微妙嘅情況。
韓文係非常之曖昧嘅語言，你見佢成日唔講主語就知啦，有時唔睇助詞真係唔知佢講緊邊舊嘢
如果你用韓文表達一啲好具體嘅事，係無乜深度ㅋㅋㅋ
所以韓文一個動詞可以有好多個意思，例如 먹다 ， 食飯可以用，飲酒可以用，上年紀又可以用，連俾人鬧都可以用！
不過記一個字等於記幾個字，都幾正嘅ㅎㅎ
但韓文最大嘅優勝就係，佢有非常多特別生字/固定句式，可以用來形容各種中文形容唔到，或者根本唔會講出口嘅情況！例如 :
허세 : 直譯係虛勢，類似係中文嘅懶叻，但係韓文入邊就偏向搞笑啲，無咁負面嘅 ~例如可以用來形容個人成日講嘢好誇張，好搞笑咁
재수없다 : 原意係話覺得自己好倒楣，衍生出嚟就指遇到嘅人/事，令人覺得非常討厭，非常乞人憎
用係人同情況都可以，當然朋友之間當搞笑都可以講啦
눈치없다 : 形容啲好白目嘅人，唔識睇人眉頭眼額/完全搞唔清楚個情況嘅人，即是中文嘅沒有眼力見兒，但我諗應該無人會講 : ‘哇，你咁無眼力見兒嘅！’ 咁掛ㅋㅋㅋ
佢(隻狗狗)都要睇人面色做人ㅋㅋ
눈치보다 : 눈치 係眼力見兒嘅話，咁呢個就係解睇人眼力見兒啦，即是類似我哋中文嘅睇人面色做人啦
呢啲中文唔知點講，或者講出嚟連自己都尷尬嘅形容詞，如果轉咗做韓文，係咪就順口好多呢 ~