隨着自己努力學韓文，識得嘅文法同生字都越來越多，但係唔知點解每次造句嘅時候，就好似load唔到要點樣變成一句句子咁？

雖然上堂miss比嘅功課/課本入面嘅練習，可以令你更加明白個意思同用法，但係要練就流暢咁樣講一句韓文，最重要係要練習嗰韓文嘅思維！

所以想進步神速，就一定要喺日常生活入面使用，會話對同學仔嚟講可能會比較難實現，但喺生活入面寫韓文，就一定係大家都可以做到啦~

用韓文寫日記，memo:

如果平時有寫日記/待辦清單等等各種 “自己睇嘅內容”，都可以盡量用韓文嚟寫，對於練習作句/文法/詞彙都好有幫助㗎！

例如係我想寫，

今年嘅目標:努力學韓文！

올해의 목표: 한국어를 열심히 배우…

哎呀？呢度嘅배우 後面應該跟乜嘢呢？배우다? 배워요? 但既然係標題，就應該講배우기 啦~

好似咁樣，有好多書本入面嘅內容，雖然你學嘅時候係記住咗識咗，但真係要用過諗過，先可以再次流暢咁樣活用到㗎 ㄷㅂ

但點解要係“自己睇嘅內容”呢？當然唔係因為驚俾人發現寫錯，所以只可以自己睇啦ㅋㅋ

因為喺日常生活入面寫韓文嘅意義，係在於訓練你用韓文嘅思維，所以如果用一個比較輕鬆同自然嘅心情去寫，都可以非常流暢嘅話，咁就代表你活學活用到啦！

調返轉，好似平日交功課/考試一樣，如果你預先知道係會俾人睇/對嘅話，就好自然會太過在意文法，而失去咗表達語意嘅重點啦~

資料來源 ：

https://blog.hanabank.com/1208

https://www.wishbucket.io/items/946911