韓國人之餐桌禮儀~

韓國人食飯多規矩，我諗應該全世界都知啦ㅋㅋ

但作為一個由細開始就要同韓國人食飯嘅人嚟講，有時有啲規矩實在有啲不明所以，所以真係唔講都唔知㗎！

首先講吓食飯前先啦:

1 如果你係所謂嘅막내 (老幺)的話，就要負責擺筷子斟水等等各種準備嘅事…

2 然後食飯一定要等同席年紀最大/輩分最高嘅人起筷先

3 食返途中唔可以拎起個飯碗，湯碗都唔可以，除非係飲最尾一啖而拎起…

4 筷子匙羹唔可以同時用，唔用嘅時候一定要放枱面，插喺飯碗/平放喺飯碗上面都係唔可以嫁

 不過其實食咗咁多年，我到宜家都係唔明白，點解韓國人明明咁鍾意飲湯，又唔俾人拎起個碗，但個匙羹要整到咁細呢？

係呀，佢哋係冇湯匙㗎ㅋㅋ

當你諗住食完飯可以鬆一口氣嘅時候:

1 就算你係第一個食完，都要等長輩離席你先可以起身

2 如果係喺餐廳用餐，離開嘅時候一定要同老闆/收銀員講: 감사합니다 (多謝晒) / 잘 먹었습니다 (好好食完了)

其實仲有好多其他瑣碎嘅禮儀，好似係同長輩食飯一定要除帽/太陽眼鏡，仲有喺飯局上咳係可以接受，但擦鼻涕係唔可以…

而且食飯途中都唔可以去廁所…

可能你會覺得，吓咁咪即係咩都唔好做？都唔係嘅，只不過你做咩都要非常之咁 눈치있어 (有眼力見兒) 咁解姐ㅋㅋ

資料來源 ：https://blog.naver.com/mifaffgov/221541979474