韓國報紙檔竟然有蕃薯條買？

話說細個每一次跟阿媽返韓國，雖然有非常多同香港唔同，令人衝擊嘅事，但對於小學生嘅我嚟講，最震撼嘅始終係 : 報紙檔竟然有各種食物買！

韓國報紙檔通常都係喺地鐵站出口附近，除咗買報紙/煙之外，仲會有飲品/零食，甚至雪糕~ 但令我眼前一亮嘅係竟然有番薯條！仲要係熱嘅！

呢一個番薯條首先香港係冇得食，然後細個想食就只可以請求阿媽整，但整起嚟都非常麻煩，炸完仲要包一層糖喺外面，所以係好難先食到

但喺韓國每一條街都食到嘅事實，令我非常興奮到果一次返韓國不停咁食番薯條！食到濟曬嘔咁滯ㅋㅋㅋ

不過雖然叫報紙檔，但呢啲小舖正確係叫 거리가게 （街道店舖），其實同街市入面見到嘅舖頭一樣，只不過佢係突然之間出現喺條路上面咁解

而且因為越來越少人買報紙，所以以前嘅報紙檔而家都變成晒小食檔㗎啦！

資料來源 ：

http://www.ddmnews.co.kr/news_gisa/gisa_view.htm?gisa_category=01000000&gisa_idx=18494

https://www.10000recipe.com/recipe/6842567