同學仔有冇試過睇綜藝，或者喺書本入面見到집들이 呢？

집들이 ，直譯叫搬家宴，即是搬咗去新屋嘅時候，會邀請啲朋友嚟睇吓間屋，順便聚會一下~

咁鍾意傳統嘅韓國，當然連집들이 都係有一堆潛規則㗎啦！

舊時代啲嘅韓國人如果去집들이 嘅話，通常都會買生活用品做伴手禮，例如係廁紙/米/洗劑等等，除咗一定會用得着之外，都有住喺呢間屋生活會變得豐盛嘅寓意㗎！

不過近年尤其是MZ世代嘅年輕人，집들이 時更加鍾意送裝飾品，或者迎合屋主嘅需求去準備，畢竟韓國人係好重視靚同裝飾㗎嘛ㅎㅎ

저 선물도 사왔어요 我仲買咗禮物

이사 와서 선물 제일 많이 받은 게 재떨이야 搬屋之後收到最多嘅禮物係煙灰缸

이 재떨이 참 고품격이다 呢個煙灰缸真係高級啊

順便講個TMI俾大家知，韓國人喺搬屋/大清潔之後，基本上係一定會食자짱면(炸醬麵)㗎！已經變成咗佢哋嘅國民習慣一樣，但你又知唔知點解呢？

係因為佢哋覺得，자짱면(炸醬麵)+탕수육(糖醋肉)嘅組合，可以將吸咗入氣管同喉嚨嘅灰塵痴走再排出體外…

千祈唔好認為係有科學根據，就好似韓國人感冒要食泡菜湯一樣，係韓國嘅地道習俗嚟㗎咋ㅋㅋㅋ

不過其實炸醬麵都真係幾好食㗎，而且喺韓國每次叫炸醬麵外賣，都一定會附送煎餃子，個人認為個餃子比糖醋肉更加好食~

資料來源 ：전참시 MBC231021방송