可能好多同學仔都知韓國送貨快遞，又快又平又高質，咁送外賣係咪都一樣咁快㗎呢？

其實韓國外賣都係非常之厲害㗎，當然係好快，好多嘢都有得叫，但最勁係無論你喺幾偏僻/奇怪嘅地方，佢都一定會送到俾你！

例如係你叫外賣嘅時候寫 : 喺漢江邊著黃色衫，咁佢就會搵到你，而且同送快遞一樣，除咗揸電單車好多外賣員都會搭地鐵送外賣，所以就可以極高速送到俾你啦！

但其實韓國嘅外賣，都有兩個非常極之唔方便嘅點！

首先就係大部份餐廳都係冇得叫一人份量，唔淨只係冇最低消費要加錢，甚至可能唔接單唔送添嫁！所以對於獨居嘅韓國人想叫外賣，就只可以叫多啲留返之後食~

其次就係雖然香港餐廳係紅日，基本上都會開門做生意，但韓國係調返轉，公休日/大型節日都會一齊休息！例如中秋節休息起上嚟可能會超過一個月，而每年1月1號基本上都唔使旨意叫外賣，甚至可能你落街都搵唔到間開門嘅餐廳嫁！

tmi資訊 :

韓國係有實行垃圾分類制度㗎，所以如果叫咗外賣個外賣盒同蓋，甚至餐具，食完之後都要洗返乾淨，再分類先可以丟棄回收嫁！

資料來源 ：

https://biz.heraldcorp.com/view.php?ud=20221030000289

https://www.lifein.news/news/articleView.html?idxno=13050