去韓國玩嘅話，應該好大嘅一個原因都係想購物~

雖然大家都知，韓國最出名當然係美妝同時裝啦，但根據多年喺韓國購物嘅經驗，以下呢啲先係真正嘅韓國好物！

韓國好物1-毛巾！

真係非常之好用，當用過韓國製造嘅毛巾之後，就回不去了… 唔單止柔軟，而且非常薄，但吸水力超高，驟眼望落去其實同一般毛巾冇乜分別，但當你用咗幾次，洗咗幾次之後，就會發現質量完全唔一樣！再加上韓國嘅毛巾都非常之可愛，亦唔算太貴，大家都可以買來試吓用~

韓國好物2-針織！

對於非常之愛穿針織外套嘅本人，要買針織一定係買韓國嘅！不論係針織嘅外套，上衣，甚至係包包，韓國製造嘅針織係完全唔一樣！極度輕同柔軟，但亦真係做到保暖~最重點係，韓國人熱愛時尚，所以經常會出好多唔同而且特別嘅顏色/設計，價錢亦正常合理~

韓國好物3-被！

韓國買被嘅店舖，係非常之普遍，佢一個普通嘅小市場，同一條街可能都已經有3-4間買被嘅店舖，因為韓國人對於被係非常之高要求，各種材質，各種厚度，各種場合都有唔同嘅被~雖然價錢比較貴，但買一張被真係可以蓋一世咁耐用！

親身經驗，廿幾年前韓國阿媽買返嚟嘅被，到而家都仲蓋緊ㅋㅋ

講咗3樣好物，全部都係布製品，的確韓國人對於布藝係非常之高要求，或者應該話，韓國人對於小朋友會用嘅嘢非常高~所以唔單只係餐具同食物，連布藝都會有官方嘅檢查同商標㗎！

資料來源 ：

https://news.koreadaily.com/2023/01/23/economy/lifeeconomy/20230123213408302.html

https://m.sonyunara.com/shop/view.php?index_no=364380