同學仔喺開始學韓文之後，就會發現韓文真係好麻煩ㅋㅋ

尤其是敬語嘅程度，一句說話都可以分做唔同級數嘅尊敬程度來講，例如係對不起，淨係“미안합니다” 同“죄송합니다” ，已經係明明一樣意思，但敬語程度完全唔同，仲未計更高級更尊敬嘅講法…

所以韓文最難嘅地方，其實係根據當下嘅情況同氛圍去講句啱程度嘅句子！

咁當然一啲正面嘅說話，有時講錯都冇咩問題，但唔好意思，韓文係連髒話都有分程度㗎！

睇得多綜藝嘅同學仔，可能都會識幾句叫做”可以講的髒話”，例如係，새끼,개판,존나,놈… ，因為呢啲髒話入面其實冇包含粗口嘅字眼，所以叫做”방송가능”(放送可行)，但始終都係髒話，所以好多時會用其他公仔/相似讀音嘅字來做字幕㗎~

거의 5~6시간을 맨발로 춤을 추는데 幾乎光腳跳了5~6小時舞

신발을 안 신겼어요 但不讓穿鞋

咦？咁如果節目上都可以出街嘅髒話，係咪即係日常生活都可以講呢？

No no no ！除非真係非常非常非常之親近/開玩笑嘅氣氛下許可，如果唔係都千祈唔好講，因為即使叫做節目可用，但其實包含嘅意思都已經係好粗鄙，同唔尊重對方㗎喇！

順帶一提，喺電視劇/電影入面，再嚴重嘅髒話，基本上都係毫無修飾，係因為韓國電視節目係有分唔同年齡收看，只要佢係歸納做19禁，就可以毫無限制咁爆粗口ㅋㅋㅋ

同場TMI :

除咗髒話有分程度之外，連”髒話”呢個字都有分程度㗎ㅋㅋㅋ 平時講嘅욕=鬧人/輕微嘅髒話，쌍욕=非常嚴重嘅髒話

例如話，你做咩又鬧我呀？왜 또 나한테 욕해？

呢度講嘅욕就唔一定包含對方又講髒話嘅意思，純粹係鬧我/責備我都可以用~

咦？講咗咁耐，咁即係咩叫非常嚴重嘅髒話？最普遍嘅 “18” 就已經係嫁啦ㅋㅋ

資料來源 ：프라임킹즈 트릭스TV