韓國人的改名法？

上次講過韓國人好鍾意幫寵物改啲奇怪/老土嘅名，但對於人類嘅名，韓國人係非常之認真㗎！

雖然韓國人同香港人一樣，大多數嘅名都係三個字，但唔同嘅係香港人嘅名入面，即使係帶有特別意義，都唔會特登喺自我介紹嗰陣講出嚟，但韓國人係一定會講㗎！

例如介紹自己個名嘅時候，由於好多唔同漢字喺韓文入面都會係同一個讀音，所以韓國人通常自我介紹都會直接講埋係用邊個漢字/係咩意思㗎~

例如如果叫做陳寶光，你自我介紹就可以話 :

안녕하세요. (你好)

저는 진보광이라고 합니다. (我叫陳寶光)

보물 보, 빛이 광 입니다. (寶物 寶，發光 光)

當然如果用中文咁樣介紹係好奇怪，但喺韓國人世界入面，尤其是對住長輩，咁樣詳盡解釋自己個名先係有禮貌，尊重對方嘅表現嚟嫁！

咁韓國人究竟係會點樣改名㗎呢？

韓國人認為一個人嘅名係會改變佢嘅命運咁重要㗎，所以好多時都會特登請睇八字嘅師傅去改，即使係自己改，都會俾啲師傅去過目/去寺廟問吓好唔好~

所以點解咁多韓國明星都係用藝名，因為對佢哋嚟講，改錯名真係會衰成世㗎ㅠㅠ

如果大家都想知自己個名變咗韓文係點寫/點讀嘅話，推薦大家可以下載呢個app : 다음사전

本身係比韓國人查外國語嘅字典嚟嘅，但對於漢字嘅翻譯目前實測為止，呢個다음사전 的確係最準確㗎~

資料來源 ：

https://help.toon.at/hc/ko/articles/115001468434-%EC%8B%A0%EB%B6%84%EC%A6%9D-%EC%97%85%EB%A1%9C%EB%93%9C-%EB%B0%A9%EB%B2%95

https://kmong.com/gig/296288