話說本人係喺韓國母親嘅家庭長大，所以從小已經係經常食飯㗎喇！

嗯？呢句說話好似好廢，有邊個香港人唔食飯ㅋㅋ

的確係大家都會食飯，但應該唔係大家都會食，飯做嘅餅乾/糖啦掛…

究竟韓國人係有幾鍾意食飯？

上回講過麥米茶，其實只係冰山一角，用米/飯去製作嘅食品，簡直係數都數唔晒，可能係全世界最多嘅國家！

例如係已經成為咗國民糖果嘅，飯焦糖！食落係甜甜地嘅飯焦味，另外仲有出薄荷味㗎！

而且不得不提嘅，一定係飯焦！飯焦嘅種類同味道係超級無敵多，可能比泡菜更國民食品，因為的確係有韓國人唔食泡菜，但我真係冇聽過有韓國人唔食飯焦ㅋㅋㅋ

但係韓國人又咁貪靚，咁鍾意減肥，但澱粉又好肥，咁點算呢？為咗滿足呢個心情，而家已經發展到，係有豆腐做嘅飯焦ㅋㅋㅋ

即係其實冇飯，用豆腐扮個飯焦，但都真係幾好食㗎！

同場TMI :

同大家分享吓兒時回憶錄，細細個跟阿媽返韓國，住喺鄉村式嘅舊屋，仲係要用柴火嚟煮飯嗰種…

用個超大嘅鑊去煮飯，裝剩最底一層嘅飯之後，就會攞飯勺將啲飯鋪平，再焗30分鐘左右，就會得到世界上最好食，新鮮滾熱辣嘅飯焦啦！

甚至有啲韓國人，係會特登攞啲飯，擺喺平底鍋上再加糖，整成甜味飯焦下酒食㗎！

資料來源 ：

https://www.ssg.com/item/itemView.ssg?itemId=1000365184162

http://www.thessan.com/shop/shopdetail.html?branduid=609195