啱啱開始/學咗冇幾耐嘅同學仔，甚至去到中級嘅時候，可能大家都會覺得記生字真係好難，再加上韓文好多字嘅寫法都好似，就好似難上加難咁啦ㅠㅠ

所以根據多年教韓文嘅經驗，分享個對於記生字非常有幫助嘅小方法俾大家啦，就係唔好即刻查字典啦！

一開始學韓文好多生字都唔識，就會去查字典，咁係非常之合理同正常

但學到初階中期/後期，你自己本身已經識得大約60-80個生字嘅時候，好多字都可以試吓唔好查字典住先，例如係我本身識得아버지 呢個字，咁我見到큰 아버지 嘅時候就唔好即刻查住，而喺你自己心入邊估吓佢係咩意思？

큰 係大，而아버지 係爸爸嘅話，大咗嘅爸爸，唔通就係大伯？

咁當然自己估得啱唔啱，最尾都係要睇一睇字典或者問miss啦，但無論你估得啱定唔啱，呢一個用你自己思維去想像呢個生字嘅過程，一定可以令你更加有印象，甚至可能你對完正確答案之後，就已經記得咗呢個生字啦！

資料來源 ：https://www.hankyung.com/article/202106159533Y